Health and Family Welfare Deptt.(GNCTD): Radio Scripts

Radio Spot  1

Duration: 40 secs

SFX: Shayanrana Mehfil ki Awazen. Mike testing ki sound.

MVO1: Arz kiya hai…

Har dard se bada dard…Har darr se bada darr…

Gaur Farmaiye…

Har dard se bada dard…Har darr se bada darr

Har Bukhaar se bada bukhaar hai ye Galib

Sarkari Hospital ki line mein lag ke lena OPD slip

Chorus: Wah wah wah

MVO2: Arey miyan itni choti si baat pe Ghalib ko kya jagana

Kyun gham karte ho line ka, jab online ka hai zamana

MVO1: Matlab
MVO2: Miyan Delhi sarkaar ki Online OPD registration facility par register karo aur Delhi sarkaar ke 24 hospitals mein chuninda vibhagon mein OPD Sevaon ki suvidha pao. Apni slip lekar sidha chune hue OPD vibhaag mein jaao.
MVO1: Arre Wah
MVO2: Haan. Par yaad rahe ye suvidha aapko sirf OPD slip ki kataar se bachaati hain, doctor ke cabin ke baahar ki kataar se nahi. Aur haan online OPD slip ka kahi medico kanuni sevaon yan avkaash mein upyoh karne ki mat sochna.
MVO2: Kya khub farmaya!
MVO2: Bas Dilli Sarkaar ke Swasthya aur Parivaar Kalyaan Vibhaag ki website par jao aur is suvidha se judi har jaankaari paao.
Chorus: Wah Wah Wah Wah
VO: Swasthya aur Parivaar Kalyaan Vibhaag, Delhi Sarkaar dwara janhit mein jaari.

Radio Spot 2                                                                                                                 
Duration: 30 secs

MVO(Tantrik Type Voice): Ao beti batao kis chiz ka samadhaan chahiye… bhoot bhagana hai…yan nazar utarni hai…sautan se chutkara chahiye yan show-off wali padosan se? Tere dil mein chupe har dar ko bhagayenge…to bol to sahi saas to kya bhagwaan se bhi apni marzi karwayenge

FVO: Baba woh sab chodo bas OPD slip ki line se bachne ka upaye batao…

MVO: Iske liye tum mere paas kyon ayi ho… iska upaye to pehle hi ho chuka hai

FVO: Kya

MVO: Haan ab ghar jao Delhi sarkaar ki Online OPD registration facility par register karo aur Delhi sarkaar ke 24 hospitals mein chuninda vibhagon mein OPD Sevaon ki suvidha pao. Apni slip lekar sidha chune hue OPD vibhaag mein jaao.
FVO: Kya baat kar rahe ho baba
MVO: Par yaad rahe ye suvidha tumhe sirf OPD slip ki kataar se bachayegi, doctor ke cabin ke baahar ki kataar se nahi. Aur haan online OPD slip ka kahi medico kanuni sevaon yan avkaash mein upyoh karne ki mat sochna..
FVO: baba aapne toh mera adha dard hi khatam kar diya
MVO: Jaao beti Dilli Sarkaar ke Swasthya aur Parivaar Kalyaan Vibhaag, ki website par jao aur is suvidha se judi har jaankaari bhi paao.
MVO2: Swasthya aur Parivaar Kalyaan Vibhaag, delhi sarkaar dwara janhit mein jaari.